Deepak Kulkarni
मोदी सरकारमधील तरुण मंत्री म्हणून चिराग पासवान यांच्याकडे पाहिले जाते.
हाजीपूरचे खासदार आणि लोक जनशक्ती पक्षाचे राष्ट्रीय अध्यक्ष चिराग पासवान तुफान चर्चेत आहेत.
चिराग पासवान यांचा जन्म 31 ऑक्टोबर 1982 मध्ये दिल्ली येथे झाला. त्यांनी कंप्यूटर सायन्समधून बी.टेक पदवी प्राप्त केली आहे. फॅशन डिझायनिंगचा कोर्सही त्यांनी केला आहे.
राजकारणात आणि प्रसारमाध्यमांमध्ये 'मोदींचे हनुमान' हा शब्दप्रयोग मुख्यत्वे चिराग पासवान यांच्यासाठी वापरला जातो. 2020 च्या बिहार विधानसभा निवडणुकीदरम्यान त्यांनी स्वतःला पंतप्रधान मोदींचे 'हनुमान' म्हटले होते.
राजकारणात प्रवेश करण्यापूर्वी चिराग यांनी बॉलिवूडमध्ये सक्रिय होते. पण अभिनय विश्वात त्यांना अपयशाचा सामना करावा लागला. खासदार व अभिनेत्री कंगना रनौत सोबत त्यांनी चित्रपटही केला होता.
बिहारच्या राजकारणात चिराग यांनी प्रवेश केल्यानंतर ते 2014, 2019 आणि आता 2024 मध्ये पुन्हा एकदा खासदार बनले आहेत. ते सध्या मोदी सरकारमध्ये कॅबिनेट मंत्री आहेत.
केंद्रीय मंत्री चिराग पासवान यांना जीवे मारण्याची धमकी देण्यात आली असून राजकारणात खळबळ उडाली आहे. सुरक्षेसंबंधी चिंता वाढली आहे.
पासवान यांना ही धमकी पोस्टाद्वारे पाठवण्यात आलेल्या पत्रातून देण्यात आली आहे. त्यांच्या कार्यालयाकडून या प्रकाराची गंभीर दखल घेण्यात आली आहे.
या पत्रात कट्टर दहशतवाद्यांकडून लवकरच तुमची हत्या करण्यात येणार आहे, असा मजकूर आहे. या धमकीबाबत केंद्रीय गृहमंत्रालयाला माहिती देण्यात आली आहे.