Rashmi Mane
सोशल मीडियावर एक पोस्ट प्रचंड व्हायरल होत आहे, ज्यात दावा केला जातोय की 500 च्या नोटा सप्टेंबर 2025 नंतर एटीएममधून मिळणार नाहीत. लोकांमध्ये मोठा गोंधळ निर्माण झाला आहे.
या फेक पोस्टमध्ये म्हटलं आहे की, RBI ने बँकांना आदेश दिले आहेत, की 30 सप्टेंबर 2025 नंतर ATM मधून 500 च्या नोटा देऊ नयेत आणि फक्त 100 आणि 200 च्याच नोटा वितरित कराव्यात.
या पोस्टमुळे लोकांमध्ये संभ्रम निर्माण झाला. त्यामुळे केंद्र सरकारनं लगेच पाऊल उचललं आहे.
प्रेस इन्फॉर्मेशन ब्युरो (PIB) ने स्पष्टपणे सांगितले की हा मेसेज पूर्णतः फेक आहे. RBI ने असा कुठलाही आदेश बँकांना दिलेला नाही.
PIB च्या म्हणण्यानुसार 500 च्या नोटा पूर्णतः वैध आहेत आणि त्यांचं चलनात वापर सुरूच राहणार आहे. त्यामुळे घाबरण्याचं काहीच कारण नाही.
RBI ने फक्त ATM मधील नोटांच्या संरचनेत बदल करण्याचे निर्देश दिले आहेत. 30 सप्टेंबर 2025 पर्यंत ATM मध्ये 75% नोटा या 100 आणि 200 रुपयांच्या असाव्यात.
RBI च्या योजनेनुसार 31 मार्च 2026 पर्यंत ATM मधील लहान नोटांची टक्केवारी 90% पर्यंत वाढवण्यात येणार आहे. यामागचा उद्देश – सुट्या पैशांचा तुटवडा कमी करणे.