Pradeep Pendhare
तलाठी भरतीत गैरप्रकार झाल्याचे सिद्ध करा, नाहीतर राजकारणातून सन्यास घ्या, असे आव्हान मंत्री राधाकृष्ण विखे यांनी बाळासाहेब थोरातांना दिले.
आमदार रोहित पवार यांनी भरतीत आर्थिक देवाण-घेवाण झाल्याच्या आरोपावर मंत्री विखे यांनी कायदेशीर कारवाई सुरू असल्याचा इशारा दिला आहे.
महसूल पंधरवाड्यानिमित्तानं राज्यात ४ हजार नवनियुक्ती तलाठ्यांना नियुक्तीपत्राचे वितरण करण्यात आले.
तलाठी भरतीमध्ये झालेल्या गैरप्रकारांचे अजूनही ढीगभर प्रकरणे आहेत, जी समोर आली, तर तुमचा पारदर्शक कारभार उघडा पडेल, असे माजी मंत्री बाळासाहेब थोरातांनी मंत्री विखेंना प्रतिआव्हान दिले.
तलाठी भरतीमधील गैरप्रकारांचा अहवाल अपल्याच अख्यारीत येणाऱ्या जिल्हाधिकाऱ्यांनी राज्याच्या अपर मुख्य सचिवांना दिल्याची आठवण थोरात यांनी विखेंना करून दिली.
तुम्ही राजकारणातून संन्यास घ्या, असे मी म्हणणार नाही. मात्र सत्य लपवले, तरी बदलणार नाही, असे थोरात यांनी मंत्री विखे यांना सुनावले.
तलाठी भरतीमधील गैरप्रकाराची गोपनीय अहवालाची फाइल पाठवून दिल्याची आठवण आमदार रोहित पवार यांनी मंत्री विखेंना करून दिली.
ही गोपनीय फाईल सार्वजनिक करून त्यावर स्पष्टीकरण देण्याची हिंमत मंत्री राधाकृष्ण विखेंनी दाखवावी, असे आव्हान आमदार रोहित पवार यांनी केले.