Akshay Sabale
माजी पंतप्रधान आणि धर्मनिरपेक्ष जनता दलाचे (जेडीएस) नेते एच. डी. देवेगौडा यांनी रविवारी दिल्ली मेट्रोमधून प्रवास केला. मेट्रो रेल्वेचे वरिष्ठ अधिकारी यावेळी उपस्थित होते.
तत्पूर्वी देवेगौडा यांनी शनिवारी पंतप्रधान संग्रहालयालाही भेट दिली होती.
पंतप्रधान संग्रहालयाला दिलेली भेट हा एक अभूतपूर्व अनुभव होता, अशी प्रतिक्रिया देवेगौडा यांनी दिली.
कर्नाटकमधील एका खेडेगावातून आलेल्या माझ्यासारख्या व्यक्तीला पंतप्रधान होण्याची संधी मिळाली, असं देवेगौडा यांनी म्हटलं.
या संग्रहालयात मला माझ्या आठवणी पाहावयास मिळाल्या. याची कल्पना केली नव्हती, मी अशा प्रकल्पाचा भागही नव्हतो, असं देवेगौडा म्हणाले.
देशाच्या राजधानीत असे संग्रहालय उभारल्याबद्दल आपण पंतप्रधान नरेंद्र मोदी यांचे आभार मानतो, असे मत देवेगौडा यांनी संग्रहालयाला भेट दिल्यानंतर समाज माध्यमातून व्यक्त केले.