Aslam Shanedivan
टेबल लँड म्हणून ओखळ असलेल्या महाबळेश्वर आणि पानशेतमध्ये सध्या साहसी खेळांच्या ऍक्टिव्हिटीज केल्या जातात.
पण आता याचा रोमांचक थरार कोल्हापुरकरांना जिल्ह्यातच घेता येणार आहे. जिल्ह्यातील ऐतिहासिक भुदरगड किल्ल्यावर या साहसी खेळांच्या ऍक्टिव्हिटीज सुरू झाल्या आहेत.
सह्याद्रीच्या घाटमाथ्यावर समुद्रसपाटीपासून सुमारे तीन हजार फूट उंच असलेल्या या किल्ल्यावर नैसर्गिक वाऱ्याच्या वेगाचा वापर करून वन विभागाच्यावतीने सुरू पॅरामोटरिंगसह साहसी खेळांचा शुभारंभ करण्यात आला आहे.
राज्याचे आरोग्य मंत्री आणि कोल्हापूरचे पालकमंत्री प्रकाश आबिटकर यांनी या साहसी खेळांच्या ऍक्टिव्हिटीज उद्घाटन केले.
यावेळी त्यांनी पॅरामोटरिंगचा रोमांचक थरार अनुभवला. यावेळी त्यांनी काहीशी भीती तर मनात थाकधुक होती असा अनुभव कथीत केला. यावेळी मात्र कार्यकर्ते आणि पर्यटक भीतीने धास्तावलेल्या अवस्थेत होते.
तसेच पालकमंत्री प्रकाश आबिटकर यांनी येथील दुधी तलावात बोटिंगचा मनमुराद आनंदही लुटला.
कोल्हापूर जिल्ह्यातील किल्ले भुदरगडावर पॅरामोटरिंग, पॅराग्लायडिंग, झोरबिंग बॉल, वॉटर बोटींग, कायाकिंग, टेलिस्कोप, फ्लोटिंग जेटी या साहसी खेळाचा आनंद घेता येणार आहे.
तसेच या ठिकाणी देश-विदेशातील पर्यटकांना छत्रपती शिवाजी महाराजांचा पराक्रम आणि त्यांनी हिंदवी स्वराज्यासाठी केलेल्या योजनाची माहिती मिळावी, यासाठी वन विभागाच्या मदतीनं पर्यटन सुविधा केंद्र उभारण्यात आलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.