Jagdish Patil
भारतात प्रत्येक निवडणुकीनंतर EVM चा मुद्दा चर्चेत येतो. नुकतंच महाराष्ट्र विधानसभेच्या निकालानंतर विरोधकांनी EVM मध्ये छेडछाड केल्याचा आरोप केला होता.
मात्र, काही देशांनी निवडणुकीत 'ईव्हीएम'चा वापर केल्यानंतर त्यावर बंदी घातली आहे. हा निर्णय कोणत्या देशांनी घेतला आहे ते जाणून घेऊया.
EVM म्हणजे 'इलेक्ट्रॉनिक व्होटिंग मशीन' ज्यामध्ये 2 युनिट्स असतात. एक कंट्रोल युनिट: जे मतदान अधिकाऱ्याकडे असतं, दुसरं बॅलेट युनिट ज्यावर मतदान केलं जातं.
भारताच्या शेजारचा देश बांगलादेशने नुकतीच 'ईव्हीएम'च्या वापरावर बंदी घातली आहे.
तर जपानसह जर्मनी, नेदरलँड आणि आयर्लंडसारख्या देशांनीही EVM शिवाय निवडणुका घेण्याचा निर्णय घेतला आहे.
2018 च्या महापालिका निवडणुकीनंतर जपानने 'ईव्हीएम'चा वापर बंद केला आहे.
बांगलादेशने 2018 च्या सार्वत्रिक निवडणुकीत 'ईव्हीएम'चा वापर केला होता, मात्र, विरोधी पक्षाच्या मागणीनंतर 2023 पासून तिथे बॅलेट पेपरवर मतदान प्रक्रिया पार पडते.
तर 2009 मध्ये जर्मनीत कोर्टाने ईव्हीएमला असंवैधानिक ठरवलं, यावेळी न्यायालयाने नागरिकांना मतदान प्रक्रियेची तपासणी करणं कठीण होत असल्याचं कारण दिलं होतं.
पाकिस्तानसारखे देश आता 'ईव्हीएम'चा वापर करण्याच्या तयारीत आहेत. पाकिस्तानने एक प्रोटोटाइप EVM तयार केलं आहे, ज्याचा ते आगामी निवडणुकीत वापर करण्याची शक्यता आहे.