Pradeep Pendhare
IPS अधिकाऱ्यांसह वरिष्ठ पोलिस अधिकाऱ्यांच्या बदल्यांमध्ये CM विजय यांनी महाराष्ट्रातील अहिल्यानगर संगमनेरचे सुपुत्र IPS प्रवीण डोंगरे यांच्यावर मोठा विश्वास दाखवला.
तिरुचिरापल्ली जिल्ह्याच्या पोलिस अधीक्षकपदी IPS प्रवीण डोंगरे यांची बढतीवर बदली करण्यात आली आहे.
मुख्यमंत्री विजय यांनी IPS प्रवीण डोंगरेवर दाखवलेला विश्वास, सध्या तामिळनाडूसह महाराष्ट्रातील प्रशासकीय आणि राजकीय वर्तुळात चर्चेचा विषय ठरला आहे.
IPS प्रवीण डोंगरे 2016च्या बॅचचे अधिकारी असून, त्यांचे प्रारंभीचे शिक्षण संगमनेर इथं झालेले आहे.
निवृत्त गटशिक्षण अधिकारी उमेश डोंगरे यांचे ते पुत्र असून, प्रवीण डोंगरे यांनी पेट्रोकेमिकल अभियांत्रिकीमध्ये पदवी प्राप्त केली आहे.
प्रवीण डोंगरे उमेदीच्या काळात आदिवासी मुलांसाठी स्पर्धा परीक्षा केंद्र चालवायचे. त्यातून पुढे त्यांनी यूपीएससी परीक्षा दिली.
प्रवीण डोंगरे हे तामिळनाडूमधील तिरुवेरुंबूर इथं सहायक पोलिस अधीक्षक म्हणून रुजू होत कामाचा ठसा उमटवला.
चेन्नईच्या पश्चिम विभागातील दक्षता अन् पोलिसांच्या भ्रष्टाचारविरोधी विभागात कार्यरत असताना त्यांनी दमदार कामगिरी केली.
मुख्यमंत्री थलपती विजय यांनी त्याचीच दखल घेत, प्रवीण डोंगरे यांची आता तिरुचिरापल्ली इथं पोलिस अधीक्षक पदावर बढती दिली आहे.