Pradeep Pendhare
कबड्डी खेळात अहिल्यानगर जिल्ह्यात शिवछत्रपती क्रीडा पुरस्कार मिळवणारा अस्लम हा प्रा. सुनील जाधव आणि पंकज शिरसाठ यांच्यानंतर तिसरा खेळाडू ठरला.
अस्लम हा आशियाई क्रीडा स्पर्धेतील सुवर्णपदक विजेत्या भारतीय कबड्डी संघातील खेळाडू असून प्रो-कबड्डीच्या दहाव्या पर्वात विजय मिळवणाऱ्या पुणेरी पलटण संघाचा कर्णधार आहे.
अस्लम आठ वर्षांचा असताना वडिलांच्या निधनानंतर आपल्या आईच्या कष्टाचं चीज करणारा अस्लमाचा क्रीडा क्षेत्रातील प्रवास खडतर असाच आहे.
तीन मुले आणि दोन मुली, अशा मोठ्या कुटुंबाचा संभाळ करताना अस्लमच्या आईनं लोकांच्या घरी धुणी भांडी करत, मुलांना शिक्षणाबरोबर संस्कार दिले.
अस्लमचे प्राथमिक शिक्षण जिल्हा परिषद टाकळीभान शाळेत, तर माध्यमिक शिक्षण न्यू इंग्लिश स्कूल व अण्णासाहेब पटारे महाविद्यालयात झाले.
मोठा भाऊ वसीम याची महाराष्ट्र पोलिस दलात भरतीनंतर काहीशी, आर्थिक परिस्थिती सुधारल्यानंतर अस्लमनं पूर्णवेळ कबड्डीच्या सरावावर अधिक भर दिला.
अस्लमची खेलो इंडिया स्पर्धेत निवड झाली. यानंतर प्रो-कबड्डीतील पुणेरी पलटण संघातून दमदार कामगिरी केली.
आशियाई क्रीडा स्पर्धेसाठी भारतीय कबड्डी संघात स्थान पटकावत अस्लमने अष्टपैलु खेळ करत भारतीय संघाला सुवर्णपदक मिळवून दिले.