Aslam Shanedivan
अ‍ॅड. अजित कडेठाणकर यांची मुंबई उच्चन्यायालयाच्या न्यायमूर्तीपदी नियुक्ती झाली आहे.
त्यांचा शपथविधी 19 ऑगस्ट रोजी मुंबई उच्चन्यायालयाच्या सेंट्रल हॉलमध्ये सकाळी 11 वाजता होणार आहे.
त्यांना राष्ट्रपतींच्या वतीने मुंबई उच्च न्यायालयाचे मुख्य न्यायमूर्ती अलोक आराधे हे शपथ देतील.
अ‍ॅड. कडेठाणकर यांचा जन्म पैठण या छोट्याशा गावात झाला असून त्यांचे वडिलही भगवानराव वकील होते. तर आई प्रतिभा या संगीत क्षेत्रातील ज्येष्ठ शिक्षिका आहेत.
त्यांचे आणि मोठे बंधू यांचे प्राथमिक शिक्षण हे पैठण सारख्या छोट्याशा गावातील जिल्हा परिषद शाळेत मराठी माध्यमातून झाले आहे.
त्यानंतर हायस्कूलचे शिक्षण स.भू. प्रशाला, छ.संभाजीनगर येथे आणि पुढील विधी शाखेचे शिक्षण मा.प. विधी महाविद्यालयात घेतले.
आज ते न्यायमूर्ती बनले असून त्यांचे मोठे बंधू डॉ. अनंत कडेठाणकर हे डॉक्टर आहेत.