Jagdish Patil
आज 22 जुलै रोजी राष्ट्रवादीचे दिवंगत नेते अजित पवार यांची जयंती आहे.
जयंतीनिमित्त उपमुख्यमंत्री तथा अजितदादांच्या पत्नी सुनेत्रा पवारांनी आपल्या जुन्या आठवणींना उजाळा दिला आहे.
सुनेत्रा पवारांनी अजितदादांच्या स्मृतिस्थळी जाऊन अभिवादन केलं. त्यानंतर एक भावनिक पोस्ट शेअर केली.
या पोस्टच्या माध्यमातून त्यांनी दादांसोबतच्या जुन्या आठवणींना उजाळा दिला आहे.
'तुमचा वाढदिवस 'जयंती' म्हणून मानताना मन आतून तुटून जातंय. हे कटू सत्य स्वीकारायला मन तयार होत नाही दादा', असं त्यांनी म्हटलंय.
सुनेत्रा पवारांनी शेअर केलेल्या एका फोटोत त्या अजितदादांच्या खिशाला फुल लावताना दिसत आहेत.
तर आणखी एक जय आणि पार्थ पवार यांचा दादांसोबतचा फॅमिली फोटोही त्यांनी शेअर केला आहे.
काळाने माझ्या आयुष्यातील सर्वात मोठा आधार एवढ्या लवकर हिरावून नेईल, असं स्वप्नातही वाटलं नव्हतं, असंही त्यांनी म्हटलं आहे.
'आज हा दिवस साजरा करताना मन आतून तुटून जातंय, काळीज पिळवटून निघतंय, डोळ्यांतील अश्रू थांबायचं नाव घेत नाहीत.'
'दादा, तुम्ही भलेही आज माझ्यासोबत शारीरिकदृष्ट्या नसलात, तरी तुमचे विचार, आठवणी माझ्या प्रत्येक श्वासात, कणाकणात कायम जिवंत राहतील.'
'माझ्या आयुष्याच्या साथीदाराला, तुमच्या पवित्र आठवणींना भावपूर्ण आणि आदरपूर्वक प्रणाम', अशा शब्दात त्यांनी दादांना अभिवादन केलं.