Jagdish Patil
उपमुख्यमंत्री अजित पवार यांनी मृत्यूपूर्वी एका कार्यकर्त्याला शेवटचा फोन केला होता.
अपघाताच्या दिवशी विमान लँडिंग होण्यापूर्वी सकाळी 8 वाजून 37 मिनिटांनी हा कॉल अजितदादांनी केला होता.
ज्या कार्यकर्त्याला फोन आला होता त्या श्रीजित पवार यांनी पत्रकार परिषद घेत याबाबतची माहिती दिली.
शेवटच्या फोनवरही अजितदादांनी कामासंबंधीत चर्चा केल्याचं श्रीजित पवारांनी सांगितलं.
मी सर्व जातीधर्माला मी सोबत घेऊन जातोय, सगळ्यांना न्याय देण्याचं आपण नक्की काम करू. तू निवांत राहा असं दादां फोनवर म्हणाले.
तर हे कॉल रेकॉर्डिंग मी ऐवढ्यासाठी ऐकवलं की, सर्वसामान्य कार्यकर्त्याने मेसेज केला तरीही दादा त्यांना कॉल करायचे हे मला दाखवायचं होतं, असं ते म्हणाले.
दरम्यान, अजितदादांना शेवटचा फोन करणारे श्रीजित अरविंद पवार नेमके कोण आहेत ते जाणून घेऊया.
अजित पवार यांचे आजोबा आणि शरद पवारांचे वडील गोविंदराव पवार यांचे सख्खे बंधू ग्यानबा पवार आणि गुलाबराव पवार होते.
ग्यानबा पवार यांचे चिरंजिव असलेल्या तुकाराम पवार यांचे श्रीजित हे नातू आहेत. या नात्याने अजित पवार यांचे श्रीजित पवार हे पुतणे आहेत.