Jagdish Patil
अधिवेशनाच्या अखेरचा दिवशी अजित पवारांचा फोटो घेऊन आमदार अमोल मिटकरी विधिमंडळाच्या पायऱ्यांवर बसले होते.
विधानभवनाच्या पायऱ्यांवर आंदोलन करत त्यांनी अजितदादांच्या मृत्यूबाबत तातडीच्या चर्चेची मागणी केली.
या अधिवेशनानंतर मिटकरी यांच्या आमदारकीचा कार्यकाळ देखील संपला आहे.
याच पार्श्वभूमीवर 6 वर्षांपूर्वी अजितदादांनी दिलेल्या आमदारकीबद्दल ते कृतज्ञता व्यक्त करताना दिसले.
अजितदादांचा शेवटचा फोटो हातात घेतलेले मिटकरी भावूक झाल्याचं पाहायला मिळालं.
एक्सवर त्यांनी लिहिलं की, 'आमदार-खासदारकी असेल नसेल मात्र 'दादा'नावाचा देवमाणूस परत महाराष्ट्र व देशाच्या पटलावर दिसणार नाही.
हे सत्य आता स्वीकारुन पुढे जावे लागेल. अधिवेशनात अखेरचा दिवस जरी असला तरी खरी लढाई आता सुरू करू.
दादांचा हा अखेरचा फोटो उद्याच्या पुरोगामी महाराष्ट्राचा बुलंद आवाज ठरेल, असा विश्वास त्यांनी व्यक्त केला.
तर दादांच्या अनुपस्थितीने या अधिवेशनातला जिवंतपणा संपलेला होता. अधिवेशन केवळ औपचारिकता वाटत होती, असंही त्यांनी म्हटलं.
'कर्तव्य संपले नाही. लढाई मरेपर्यंत कायम राहील मिस यू दादा दिल दिया है जान भी देंगे', अशा शब्दात त्यांनी आपल्या भावना व्यक्त केल्या.