प्रसन्न जकाते
अकोल्यात गेल्या काही महिन्यांपासून कायदा व सुव्यवस्था पुरती बिघडली होती. जातीय दंगलीने एकाचे प्राणही घेतले.
अकोला शहरातील वेगवेगळ्या भागातील तणावाची मालिका थांबण्याचे नाव घेत नव्हती.
अकोल्यातील दोन आमदारांनी पोलिसांवर गंभीर आरोप केले होते. एका आमदाराने तर थेट गृहमंत्री देवेंद्र फडणवीस यांच्याकडे लेखी तक्रार केली.
अकोल्यात संदीप घुगे पोलिस अधीक्षक झाल्यावर तणावाच्या अनेक घटना घडल्या. अवैध धंदेही वाढले. त्यामुळे अनेकांचा घुगेंवर रोष होता. डिसेंबर 2023 मध्ये त्यांची बदली झाली.
पालकमंत्री राधाकृष्ण विखे पाटील यांच्या अध्यक्षतेखाली झालेली जिल्हा नियोजन समितीची बैठकही कायदा व सुव्यवस्थेच्या कारणांमुळे गाजली.
डीपीसीच्या बैठकीत पालकमंत्री राधाकृष्ण विखे पाटील यांनी पोलिसांना कारवाईचे आदेश दिले.
अकोल्यात शिवसेनेच्यावतीने विद्यार्थ्यांचा मोर्चाही काढण्यात आला. त्यात कायदा व सुव्यवस्थेकडे लक्ष वेधण्यात आले.
अकोल्यातील एकूणच परिस्थिती पाहता पोलिस अधीक्षक बच्चन सिंग यांनी आता येथील आव्हान स्वीकारले आहे. अधिकारी व कर्मचाऱ्यांना त्यांनी कामाला लावले असून ते स्वत: देखील ‘फिल्ड’वर उतरले आहेत.