Rajanand More
उत्तर प्रदेश केडरचे १९७८ च्या तुकडीचे सेवानिवृत्त IAS अधिकारी आलोक रंजन यांना समाजवादी पक्षाने राज्यसभेची उमेदवारी दिली आहे. त्यामुळे त्यांचे नाव पुन्हा एकदा राज्याच्या राजकारणात चर्चेत आले आहे.
आलोक रंजन यांनी उत्तर प्रदेशचे माजी मुख्य सचिव म्हणून जबाबदारी सांभाळली आहे. सपाचे अध्यक्ष अखिलेश यादव हे त्यावेळी मुख्यमंत्री होते.
सेवानिवृत्तीनंतर तत्कालीन मुख्यमंत्री अखिलेश यादव यांचे मुख्य सल्लागार म्हणूनही त्यांनी काम केले आहे. ते १ जुलै २०१६ रोजी ३७ वर्षांच्या सेवेनंतर निवृत्त झाले आहेत.
सल्लागारपदी असताना आलोक रंजन यांना कॅबिनेट मंत्रिपदाचा दर्जा देण्यात आला होता. विविध सरकारी योजनांच्या निगराणीचे कामही त्यांच्याकडे होते.
मुख्यमंत्री असताना अखिलेश यांच्या सर्वात विश्वासू अधिकाऱ्यांमध्ये आलोक रंजन यांचे नाव घेतले जात होते. त्यांना अखिलेश यांचे सुपर माईंड म्हटले जायचे.
वरिष्ठ सभागृहात अभ्यासू सदस्य पक्षाकडून जावा, यासाठी अखिलेश यांनी आलोक रंजन यांना २०२४ मध्ये पहिल्यांदाच राज्यसभेची उमेदवारी दिली होती.
सपाच्या काही आमदारांच्या कॉस वोटिंगमुळे आलोक रंजन यांचा पराभव झाला होता. अखिलेश यांच्यासाठी हा मोठा धक्का मानला जात होता.
आता अखिलेश यांना पुन्हा आलोक रंजन यांच्यावर विश्वास दाखवत दुसऱ्यांदा त्यांना उमेदवारी दिली आहे. सध्याचे संख्याबळ पाहता आलोक रंजन यांचा राज्यसभेचा मार्ग सुकर असल्याचे दिसते.