Rashmi Mane
केंद्रीय मंत्री अमित शाह हे गणेशोत्सवानिमित्त मुंबई दौऱ्यावर आले आहेत.
केंद्रीय गृहमंत्री अमित शाह यांनी सपत्नीक उपमुख्यमंत्री देवेंद्र फडणवीस यांच्या 'सागर' या शासकीय निवासस्थानी भेट देवून श्री गणरायाचे दर्शन घेतले.
यावेळी उपमुख्यमंत्री फडणवीस यांनी शाह यांचे पुष्पगुच्छ देऊन स्वागत केले.
उपमुख्यमंत्री देवेंद्र फडणवीस यांच्या मातोश्री सरिता फडणवीस, पत्नी अमृता फडणवीस, कन्या दिविजा फडणवीस हे उपस्थित होते.
यावेळी सगळ्यांनी महाराष्ट्रातील जनतेवर सदैव गणरायाची कृपादृष्टी राहावी अशी प्रार्थना श्री गणेशाचरणी प्रार्थना केली.
त्यानंतर अमित शाह यांनी आज दुपारी लालबाग राजाचे दर्शन घेतले.
अमित शाह यांचा मुंबई दौरा येणाऱ्या विधानसभा निवडणुकीच्या दृष्टीने महत्त्वाचा मानला जात आहे.
केंद्रीय मंत्री अमित शाह यांनी भाजप नेत्यांची महत्त्वाची बैठक सुद्धा घेतली आहे.