Jagdish Patil
TMCचे ज्येष्ठ नेते आणि बंगाल विधानसभेचे माजी उपसभापती आशिष बॅनर्जी यांचा मृतदेह पक्षाच्या कार्यालयात आढळून आला.
पोलिसांनी, त्यांचा मृतदेह गळफास घेतलेल्या अवस्थेत आढळला असून घटनास्थळावरून एक सुसाइड नोटही जप्त केल्याचं सांगितलं.
सुसाइड नोटमध्ये आशिष बॅनर्जी यांनी आपण कधीही भ्रष्टाचारात सहभागी झालो नसल्याचा दावा केला आहे.
कोणतेही काम करून देण्यासाठी आपण कधीही पैसे घेतले नाहीत, असेही त्यांनी लिहिलं आहे.
आशिष बॅनर्जी हे बंगालच्या राजकारणातील TMC चे ज्येष्ठ नेते होते.
ते बीरभूम जिल्ह्यातील रामपूरहाट विधानसभा मतदारसंघातून 5 वेळा आमदार म्हणून निवडून आले होते.
त्यांनी ममता बॅनर्जींच्या सरकारमध्ये मंत्रीपदाची जबाबदारी सांभाळली होती. तसंच ते बंगाल विधानसभेचे उपसभापतीही झाले.
राजकारणात येण्यापूर्वी बॅनर्जी प्राध्यापक म्हणून कार्यरत होते. त्यांच्याकडे बर्दवान विद्यापीठाची पदवी, पदव्युत्तर पदवी आणि पीएचडी पदवी होती.
ममता बॅनर्जी यांच्या सरकारमध्ये त्यांनी विविध विभागांची जबाबदारी सांभाळली. 2017 ते 2021 या काळात ते बंगालचे कृषिमंत्री होते.
2026 च्या विधानसभा निवडणुकीत रामपूरहाट मतदारसंघातून बॅनर्जी यांचा भाजपच्या ध्रुव साहा यांनी पराभव केला.
या पराभवानंतर त्यांनी बीरभूम जिल्हा TMC अध्यक्षपद आणि जिल्हा कोअर कमिटीच्या अध्यक्षपदाचा राजीनामा दिला होता.