Jagdish Patil
भोंदूबाबा अशोक खरातची SIT कडून चौकशी सुरु असतानाच एक धक्कादायक माहिती समोर आली आहे.
ती म्हणजे अशोक खरातचे निकटवर्तीय जितेंद्र शेळके यांचा आज अपघाती मृत्यू झाला आहे.
समृद्धी महामार्गावर झालेल्या भीषण अपघात झाला या अपघातात जितेंद्र शेळकेंचा जागीच मृत्यू झाला.
तर अपघातात शेळके यांच्या पत्नी अनुराधा शेळके यांचा ही मृत्यू झाला तर मुलगा गंभीर जखमी आहे.
छत्रपती संभाजीनगरहून शिर्डीकडे येताना धोत्रे गावाजवळ त्यांच्या कारचा भीषण अपघात झाला.
महामार्गावर उभ्या असणाऱ्या कंटेनरला शेळकेंच्या कारने पाठीमागून धडक दिल्याने हा अपघात झाला.
जितेंद्र शेळके हे अशोक खरातच्या शिवनिका ट्रस्टचे उपाध्यक्ष राहिले आहेत.
शिवाय शेळकेच्या शिर्डीतील लॉन्समध्येही खरातची भागीदारी असल्याचं समोर आलं होतं.
खरातला अटक झाल्यापासून शेळके मोठ्या तणावात असल्याचं बोललं जात होतं.
अशातच शेळकेंचा अपघाती मृत्यू झाल्याने हा अपघात आहे की घातपात? असे प्रश्न उपस्थित केले जात आहेत.