Ganesh Sonawane
नाशिक जिल्ह्यातील भोंदूबाबा अशोक खरातने राज्यातील शेकडो महिलांचे लैंगिक शोषण केल्याचे समोर आले आहे.
या स्वयंघोषित ज्योतिषाने त्याच्या कार्यालयात अनेक महिलांवर, अल्पवयीन मुलीवर, गर्भवती महिलेवर देखील लैंगिक अत्याचार केले.
त्याचे व्हिडीओ सोशल मीडियावर तुफान व्हायरल झाले आहेत.
या प्रकरणातील पीडित महिलांचे फोटो आणि व्हिडीओ सोशल मीडियावर व्हायरल होऊ लागल्याने पीडितांच्या गोपनीयतेचा भंग होत आहे.
त्यामुळे पीडित महिलांचे आक्षेपार्ह फोटो आणि व्हिडीओ सोशल मीडियावर व्हायरल करणाऱ्यांवर पोलीस कारवाई करत आहेत.
कोपरगाव शहरात अशा प्रकारचे व्हिडिओ व्हॉट्सॲप ग्रुपवर व्हायरल केल्याप्रकरणी पोलिसांनी तिघांवर गुन्हा दाखल केला असून दोघांना अटक करत एकाचा शोध सुरू आहे.
अशोक खरात प्रकरणातील कोणत्याही पीडित महिलांचे फोटो, व्हिडीओ किंवा त्यांची ओळख उघड करणारा कोणताही मजकूर सोशल मीडियावर प्रसारित करू नये.
त्यामुळे, जर तुमच्या मोबाईलमध्ये ते व्हिडीओ असतील तर लवकर डिलिट करा