Deepak Kulkarni
नाशिकमधील अशोक खरात प्रकरणानं राज्य हादरलं आहे. त्याच्यानंतर आता त्याची पत्नी कल्पना खरातसह पाच जणांविरोधात शिर्डीत बेकायदेशीर सावकारकी आणि जमीन व्यवहारातील फसवणूक प्रकरणात दाखल गुन्हा दाखल झाला
अशोक खरातवर अनेक गुन्हे दाखल करण्यात आले आहेत, तसेच अनेक राजकारणीही त्याच्या संपर्कात असल्याचे समोर आले आहे. त्यामुळे आता तपास यंत्रणा त्याची कसून चौकशी करताना पहायला मिळत आहेत.
अशातच अशोक खरातची पत्नी कल्पना खरातही फरार झाली असून पसार असून, तिच्या शोधासाठी दोन पथक रवाना झालीत. परंतु कल्पनाचं दुसरं रूप पोलिस तपासातून समोर येताना दिसत आहे.
कल्पनाचं पूर्वीचं नाव हे सुनीता आहे. तिच्या माहेरकडील लोकांची आर्थिक परिस्थिती खूपच हलाखीची आहे. पण अशोक खरातशी लग्न झाल्यानंतर कल्पना ऊर्फ सुनीता हिचं जीवन बदललं आणि हायप्रोफाईल लाईफ स्टाईलच्या जीवनाची चटक लागली.
कल्पनाचे पूर्वीचे नाव, सुनीता आहे. ती मूळ नाशिक जिल्ह्यातील सिन्नर तालुक्यातील पाडळी गावची आहे. तिच्या माहेरकडील कुटुंबाची हलाखीची परिस्थिती आहे.
कल्पना खरातचा मोठ्या भावाचा अपघाती मृत्यू झाला असून वडिलांचे आजारापणानं निधन झालं आहे. वृद्ध आई, विधवा भावजयी आणि लहान भाचा असून, त्यांची आर्थिक परिस्थिती दयनीय आहे.
कल्पना हिच्याशी लग्न करतेवेळी अशोक खरातचे वय जास्त होते. हे लग्न एका नातेवाइकाच्या मध्यस्थीने झाले. खरात वयानं मोठा असल्यानं, त्याच्याच कुटुंबियांनी लग्नाचा खर्च केला.
लग्नानंतर कल्पनाचे जीवनमान बदललं. ती ऐशोआरामी जीवन जगू लागली. तर दुसरीकडे कल्पनाचा एक भाऊ हा सिन्नर-शिर्डी महामार्गावरील एका हार्डवेअरच्या दुकानाचा व्यवसाय करतो. दुसरा भाऊ हा नाशिकमध्ये आहेत. पण यानंतर माहेरच्या लोकांबरोबर, नातेवाईकांबरोबर तिचे संबंध दुरावले.