Akshay Sabale
अरविंद केजरीवाल यांच्यानंतर आतिशी या दिल्लीच्या नव्या मुख्यमंत्री होणार आहेत.
त्यानिमित्तानं दिल्लीच्या मुख्यमंत्र्यांना किती पगार मिळतो, कोणत्या सुविधा मिळतात, याची चर्चा रंगली आहे.
दिल्लीत मुख्यमंत्री, मंत्री, अध्यक्ष, उपाध्यक्ष आणि विरोधी पक्षनेत्यांची पगार आणि सुविधा एकसारख्याच मिळतात. त्यांना महिन्याला 1 लाख 25 हजार पगार मिळतो.
दिल्ली सरकारमध्ये मंत्री आणि मुख्यमंत्र्यांना दैनंदिन 1 हजार 500 रूपयांचा भत्ता दिला जातो.
त्यासह लॅपटॉप, वैयक्तिक कॉम्प्यूटर, प्रिंटर आणि मोबाइल खरेदी करण्यासाठी एक लाख रूपयांपर्यंत भत्ता देण्यात येतो.
मुख्यमंत्र्यांना दर महिन्याला पाच हजार युनिटपर्यंत मोफत वीज मिळते. तर, मंत्र्यांना तीन हजार युनिटपर्यंत मोफत वीज दिली जाते.
मंत्री आणि मुख्यमंत्री यांना प्रवासासाठी एक लाख रूपयांपर्यंत भत्ता दिला जातो.
दिल्लीचे मुख्यमंत्री आणि मंत्र्यांना सरकारी बंगला आणि सरकारी गाडी मिळते. त्यासह दर महिन्याला 700 लीटर पेट्रोलही मिळते. स्वत:ची गाडी असेल तर 10 हजार भत्ता दिला जातो.
मुख्यमंत्री आणि मंत्र्यांवर मोफत उपचार केले जातात. ते कोणत्याही सरकारी रूग्णालयात उपचार करू शकतात. त्याचा पूर्ण खर्च सरकार देते.