Ganesh Sonawane
अयोध्येतील राम मंदिरातील देणगी अपहार प्रकरणी अटक करण्यात आलेल्या आठ आरोपीपैंकी सहाजण देणगी मोजणीच्या कामाशी थेट संबंधित होते.
SIT च्या तपासात उघड झालेल्या माहितीनुसार, रोकड मोजण्यापूर्वी एका कर्मचाऱ्याकडून सीसीटीव्ही कॅमेऱ्यावर कापड टाकून किंवा तात्पुरते तेथील दृश्य कॅमेऱ्यामध्ये येऊ नये यासाठी प्रयत्न केले जात.
त्यानंतर इतर कर्मचारी देणगी पेट्यांमधील नोटांचे बंडल कपड्यांमध्ये किंवा खिशात लपवत असत.
ही रोकड मंदिर परिसरातील शौचालयात आधीच तयार करून ठेवलेल्या ठिकाणी लपवून ठेवली जात असे.
कामाचा दिवस संपल्यानंतर किंवा कोणाला संशय येणार नाही याची खात्री पटल्यानंतर रक्कम बाहेर नेली जात होती.
एसआयटीला मिळालेल्या CCTV फुटेजमध्ये आरोपी मनीष यादव हा अनेक वेळा देणगी पेट्यांमधून पैसे काढताना दिसल्याचे सांगण्यात आले आहे.
मात्र, त्या वेळी कोणतीही कठोर कारवाई न झाल्याने चोरीचे प्रकार सुरूच राहिल्याचे तपासात नमूद करण्यात आले आहे.
आरोपींमध्ये काही जण हे एकमेकांचे नातेवाईक असल्याचेही समोर येत असून, त्यामुळे हे संपूर्ण जाळे संगनमताने चालत असल्याचा संशय बळावला.