Jagdish Patil
अयोध्येतील राम मंदिर देणगी अपहार प्रकरणाची सध्या देशभरात जोरदार चर्चा सुरू आहे.
या प्रकरणी CM योगींनी आक्रमक भूमिका घेतल्यानंतर 'श्री रामजन्मभूमी तीर्थ क्षेत्र ट्रस्ट’मध्ये मोठी उलथा पालथ झाली आहे.
ट्रस्टचे सरचिटणीस चंपत राय आणि विश्वस्त अनिल मिश्रा यांनी आपल्या पदांचे राजीनामे दिले आहेत.
SIT च्या अहवालात देणगी व्यवस्थापनातील गंभीर त्रुटी समोर आल्यानंतर क्राईम ब्रँच आणि SIT ने गुरुवारी काही जणांना अटक केली आहे.
राम मंदिरात येणाऱ्या कोट्यवधी रुपयांच्या गुप्तदानामध्ये आणि ऑनलाईन देणग्यांमध्ये पारदर्शकता नसल्याचे आरोप होत आहे.
तर रामजन्मभूमी तीर्थ क्षेत्र ट्रस्ट वादाच्या भोवऱ्यात येताच आपल्या पदाचा राजीनामा देणारे चंपत राय कोण ते जाणून घेऊया.
सध्या चंपत राय हे राम जन्मभूमी तीर्थ क्षेत्र ट्रस्टचे महासचिव तसेच विश्व हिंदू परिषदचे उपाध्यक्ष आहेत.
राय हे मंदिर बांधकाम प्रकल्पावर देखरेख ठेवणे, देणग्या आणि अर्पण व्यवस्थापन आणि संस्थांशी समन्वय राखण्याच्या जबाबदाऱ्या पार पाडतात.
पश्चिम उत्तर प्रदेशातील बिजनौर जिल्ह्यातील रहिवासी असलेल्या चंपत राय यांचे वडील राष्ट्रीय स्वयंसेवक संघाशी संबंधित होते.
व्यावसायिक आयुष्याची सुरुवात त्यांनी शिक्षक म्हणून केली. बिजनौर येथील RSM डिग्री कॉलेजमध्ये ते रसायनशास्त्र विषय शिकवत होते.
मात्र, 1980 च्या दशकात त्यांनी अध्यापन क्षेत्र सोडून संघाचे पूर्णवेळ प्रचारक म्हणून कार्य करण्याचा निर्णय घेतला.