Amol Sutar
बबनराव घोलप हे राज्याचे माजी समाज कल्याण मंत्री आहेत.
एक दोन वेळा नव्हे तर तब्बल पाचवेळा ते नाशिकच्या देवळाली विधानसभा मतदारसंघात आमदार म्हणून निवडून आले आहेत.
बबनराव घोलप यांनी 1985 मध्ये शिवसेनेतर्फे मशाल या चिन्हावर विधानसभा निवडणूक लढली होती. त्यावेळी त्यांचा पराभव झाला.
1990 मध्ये ते पहिल्यांदा आमदार झाले. 1995 मध्ये दुसऱ्यांदा विजयी झाल्यावर शिवसेना-भाजप युती सरकारमध्ये ते समाज कल्याण मंत्री बनले होते.
त्यांनी महिलांसाठी 33 टक्के आरक्षण देऊन स्वतंत्र बजेट मांडले आहे. चीन देशातील बीजिंग येथे अर्थसंकल्प मांडणारे ते जगातील पहिले मंत्री ठरले आहेत.
भटक्या समाजाला 350 आश्रम शाळा, 300 वसतिगृहे, 6 सूतगिरण्या व 400 वृद्धाश्रम बबनराव घोलप यांनी उभारले आहेत.
त्यांनी छोट्या – मोठ्या 200 संघटना विसर्जित करून महाराष्ट्रीय चर्मकार संघाची स्थापना केली. यासाठी त्यांनी संपूर्ण महाराष्ट्र ढवळून काढला होता.
चित्रपटाची निर्मिती त्यांनी केली आहे. राजा शिव छत्रपती या सह्याद्री वाहिनी वरील प्रदर्शित झालेल्या मालिकेचे ते निर्माते आहेत. अनेक चित्रपटातून त्यांनी विविध भूमिका साकारल्या आहेत.
बबनराव घोलप यांनी नुकताच शिवसेना ठाकरे गटाला जय महाराष्ट्र केला. ते लवकरच शिंदे गटात प्रवेश करणार आहेत.