Jagdish Patil
राज्यातील 17 स्थानिक स्वराज्य संस्था विधानपरिषद मतदारसंघासाठी 18 जूनला निवडणूक होणार आहे.
आज निवडणुकीतून अर्ज माघार घेण्याचा शेवटचा दिवस असतानाच कोकणात एक मोठी घडामोडी घडली.
रायगड-रत्नागिरी-सिंधुदुर्ग विधानपरिषदचे ठाकरेंच्या गटाचे उमेदवार सुरेंद्र उर्फ बाळ माने यांनी ऐनवेळी माघार घेतली.
भाजप नेते नितेश राणेसोबत रत्नागिरी जिल्हाधिकारी कार्यालयात येत मानेंनी उमेदवारी अर्ज मागे घेतला.
राणेंच्या भेटीनंतर उमेदवारी अर्ज मागे घेतल्याने कोकणातील विधानपरिषदेची निवडणूक आता बिनविरोध होईल.
या निर्णयानंतर मानेंची पक्षविरोधी कारवाई केल्याबद्दल ठाकरेंच्या शिवसेनेतून हकालपट्टी करण्यात आली आहे.
तर ऐनवेळी निवडणुकीतून माघार घेत ठाकरेंना धक्का देणाऱ्या बाळ मानेंची माहिती जाणून घेऊया.
ठाकरेंच्या शिवसेनेने उमेदवारी दिलेले बाळ माने हे यापूर्वी भाजपमध्येच होते.
2024 च्या विधानसभा निवडणुकीवेळी त्यांनी ठाकरेंच्या शिवसेनेत प्रवेश केला होता.
त्यानंतर त्यांनी उदय सामंतांच्या विरोधात निवडणूक लढवली पण त्यांना पराभवाचा सामना करावा लागला होता.