Rashmi Mane
कोलकात्यात अवैधपणे राहणाऱ्या बांग्लादेशी मॉडेल शांता पॉलला पोलिसांनी अटक केली आहे. तिच्याजवळ अनेक बनावट भारतीय ओळखपत्रे आढळून आली.
शांता पॉल वय 28, बांग्लादेशातील टीव्ही मालिकांमध्ये अभिनेत्री म्हणून काम केलेलं आहे. सोशल मीडियावर ती खूप अ‍ॅक्टिव्ह आहे.
कोलकात्याच्या जादवपूर भागातील एका अपार्टमेंटमधून शांता पॉलला पोलिसांनी ताब्यात घेतलं. संशयास्पद हालचालींमुळे चौकशी सुरू झाली.
तिच्याकडे बांग्लादेशी पासपोर्ट, रीजेंट एअरवेजचं आयडी कार्ड, ढाक्याचं एज्युकेशन अ‍ॅडमिट कार्ड सापडलं.
शांताकडे दोन वेगवेगळ्या पत्त्यांवर बनवलेले आधार कार्ड, भारतीय राशन कार्ड आणि मतदार ओळखपत्रही सापडले.
भारतामध्ये राहण्यासाठी शांता पॉलकडे कोणतंही वैध व्हिसा नव्हता. तिने कोणताही समाधानकारक खुलासा केला नाही.
शांता फेसबुक व इंस्टाग्रामवर रील्स पोस्ट करत होती. तिच्या अकाउंटवर हजारो फॉलोअर्स आहेत.
शांता पॉलवर फसवणूक, बनावट दस्तावेज तयार करणे आणि देशात अवैधपणे राहण्याचे आरोप लावण्यात आले आहेत.