Jagdish Patil
बारामती विधानसभा पोटनिवडणुकीसाठी काँग्रेसने ॲड. आकाश मोरे यांना उमेदवारी जाहीर केली आहे.
काँग्रेसचे राष्ट्रीय अध्यक्ष मल्लिकार्जुन खर्गेंच्या सूचनेनंतर सरचिटणीस के.सी. वेणुगोपाल ही उमेदवारी जाहीर केली.
महत्त्वाचं म्हणजे काँग्रेसचे प्रदेशाध्यक्ष हर्षवर्धन सपकाळ यांना सुनेत्रा पवार यांनी फोन करुन पाठिंबा देण्याची विनंती केली होती.
तरीही काँग्रेसने आकाश मोरेंना उमेदवारी दिली. याच निमित्ताने मोरे यांची पार्श्वभूमी जाणून घेऊया.
आकाश मोरे हे काँग्रेस पक्षाचे निष्ठावान कार्यकर्ते असून ते व्यवसायाने वकील आहेत.
बारामती विधानसभेसाठी पाच इच्छुकांच्या मुलाखती काँग्रेस नेतृत्वाने घेतल्या होत्या त्यापैकी आकाश मोरेंच्या नावाला पसंती देण्यात आली.
आकाश मोरेंचे वडील ॲड.विजयराव मोरे हे विधान परिषदेवर आमदार होते.
विजयराव मोरे यांनी जेष्ठ नेते शरद पवारांच्या विरोधात देखील विधानसभेची निवडणूक लढवली होती.
काँग्रेस पक्षासोबत ते सुरुवातीपासून निष्ठावान असल्यामुळे त्यांचा विचार काँग्रेस पक्षाने विधानसभेचे उमेदवार म्हणून केला आहे.