Jagdish Patil
नीट पेपर फुटी प्रकरणी केंद्रीय शिक्षण मंत्री धर्मेंद्र प्रधानांच्या राजीनाम्याच्या मागणीसाठी सोनम वांगचुक दिल्लीत उपोषणाला बसले होते.
मात्र, शनिवारी वांगचुक यांना दिल्ली पोलिसांनी बळजबरीने तिथून उचलून नेत रुग्णालयात दाखल केलं.
त्यानंतर CJP चे अभिजित दिपके भावूक होऊन माध्यमांशी संवाद साधत असताना त्यांच्यावर एका महिलेनं शाईफेक केली.
शाईफेक करणाऱ्या महिलेचं नाव बरखा त्रेहन असून त्यांच्याबाबतची माहिती समोर आली आहे.
त्रेहन यांनी एक्सवर स्वत:ची ओळख, पुरुषांसाठी आवाज उठवणाऱ्या, पुरुष आयोगाच्या अध्यक्षा, TEDx स्पीकर अशी करून दिली आहे.
दिपकेंवर शाई फेकली, तेव्हा त्या 'जय श्री राम' अशा घोषणा देत होत्या, अशी माहिती पोलिसांनी दिली आहे.
याआधी बरखा त्रेहन या जंतर मंतरवर डिसेंबर 2025 रोजी दिसल्या होत्या.
उन्नावमध्ये बलात्कार प्रकरणी शिक्षा झालेल्या तत्कालीन भाजप आमदार कुलदीप सेनगर याच्या समर्थनार्थ हे निदर्शनं करण्यात आलं होतं.
दरम्यान, शाईफेकीनंतर बरखा त्रेहन एक पोस्ट शेअर करत आपणच शाईफेक केल्याचं मान्य केलं.
CJPच्या व्यासपीठावर प्रभू श्रीरामाचा अवमान झाला, तेव्हा दिपके हसला म्हणून मीच शाई फेकल्याचं त्यांनी कबूल केलं आहे.