Jagdish Patil
चीनच्या डिंग लिरेनला पराभूत करून डी गुकेशने अठराव्या वर्षी 18 वा बुद्धीबळ विश्वविजेता होण्याचा मान मिळवला आहे.
बुद्धिबळाच्या इतिहासात सर्वात तरुण बुद्धिबळ विश्वविजेता होत आपलं नाव सुवर्ण अक्षरांत लिहिणारा डी गुकेश कोण आहे? ते जाणून घेऊया.
डी. गुकेशचं पूर्ण नाव गुकेश दोम्मराजू असं असून त्याचा जन्म 29 मे 2006 मध्ये चेन्नईत झाला.
त्याचे वडील रजनीकांत हे कान, नाक, घश्याचे सर्जन आहेत. तर आई पद्मा या माइक्रोबायोलॉजिस्ट आहेत.
गुकेशने वयाच्या सातव्या वर्षापासून बुद्धिबळ खेळण्यास सुरूवात केली. आपला छंद जोपासण्यासाठी त्याने नियमित शाळेत न जाण्याचा निर्णय घेतला.
चौथीनंतर त्याने नियमित शाळेत जाणे बंद करत संपूर्ण लक्ष बुद्धिबळवर केंद्रीत केलं होतं.
त्याने 2015 मध्ये आशियाई शालेय बुद्धिबळ स्पर्धा तर 2018 मध्ये 12 वर्षांखालील जागतिक युवा स्पर्धा जिंकली.
2019 पर्यंत तो जगातील सर्वात तरुण ग्रँडमास्टर होता. भारताचाही सर्वात तरुण ग्रँडमास्टर आहे.