Akshay Sabale
परळीतील मरळवाडी येथील सरपंच बापू आंधळेंचा गोळ्या झाडून खून करण्यात आला. याप्रकरणी राष्ट्रवादीचे ( शरद पवार ) नेते, बबन गित्तेंवर गुन्हा दाखल करण्यात आला आहे.
बबन गित्ते हे जनक्रांती सेनेचे संस्थापक अध्यक्ष आहेत. त्यांनी जनक्रांती सेनेच्या माध्यमातून मोठं संघटन उभे केलं.
भाजपचे दिवंगत नेते गोपीनाथ मुंडे यांच्या सानिध्यात बबन गित्ते वाढले आहेत. त्यांच्या पश्ताच गित्तेंनी अनुक्रम पंकजा मुंडे आणि धनंजय मुंडेंना साथ दिली.
पंकजा मुंडेंशी मदभेद झाल्यानंतर ते धनंजय मुंडेंच्या सोबतीला गेले. त्यांच्या संगतीनं परळी पंचायत समिती निवडणूक लढवली. त्यात गित्तेंच्या पत्नी सभापती म्हणून निवडून आल्या.
धनंजय मुंडेंच्या गटाबरोबर वाद झाल्यानंतर त्यांच्या पत्नीवर बहुमतानं अविश्वास ठराव आणला गेला. तिथे धनंजय मुंडे आणि गित्तेंच्यात वादाची पहिली ठिणगी पडली.
एका प्रकरणात गित्तेंना जेलवारी करावी लागली. प्रतिस्पर्ध्याला धडा शिकवायच्या इराद्यानं गित्तेंनी राष्ट्रवादीत फूट पडल्यानंतर शरद पवारांच्या राष्ट्रवादीत प्रवेश केला.
गित्तेंची राष्ट्रवादीच्या प्रदेश उपाध्यक्षपदी नियुक्ती करण्यात आली. त्यामुळे शरद पवारांनी धनंजय मुंडेंच्या विरोधात गित्तेंना ताकद दिल्याचं स्पष्ट झालं.