Jagdish Patil
पश्चिम बंगालमध्ये तृणमूल काँग्रेस विरुद्ध भाजपमध्ये अटीतटीची लढत झाली.
मतमोजणीच्या आतापर्यंतच्या कलांनुसार पश्चिम बंगालमध्ये भाजपची सत्ता येणार हे स्पष्ट झालं आहे.
तर भाजपकडून सुवेंदू अधिकारी यांना मुख्यमंत्रीपद दिलं जाणार असल्याची जोरदार चर्चा सुरू आहे.
याच पार्श्वभूमीवर अधिकारी यांचा राजकीय प्रवास नेमका कसा आहे ते जाणून घेऊ या.
नंदीग्रामचे आमदार असलेल्या अधिकारींचं पूर्व मेदिनीपूरला TMC बालेकिल्ला बनवण्यात मोठं योगदान आहे.
अधिकारी यांचं कुटुंब मुळचं काँग्रेसी होतं. परंतु, ममता बॅनर्जींनी 1998 मध्ये TMC ची स्थापना केल्यानंतर ते या पक्षात सामिल झाले.
सुवेंदू अधिकारी यांनी तृणमूलमध्ये प्रवेश केला आणि 2006 मध्ये ते कांथी दक्षिण मतदारसंघातून आमदार झाले.
सुवेंदू यांचे वडील शिशिर अधिकारींनी पंतप्रधान मनमोहन सिंग यांच्या सरकारमध्ये केंद्रीय मंत्री होते.
बंगालमध्ये 2011 साली ममता बॅनर्जी मुख्यमंत्री बनल्यानंतर TMC सुवेंदू यांना संसदेत (2009 आणि 2014 ) पाठवले.
मात्र, याच काळात शारदा चिट फंड घोटाळा आणि नारदा स्टिंग ऑपरेशनमध्ये नाव आल्याने ते वादात सापडले.
तर एकेकाळी ममतांचे विश्वासू सहकारी असलेले अधिकारी 2020 च्या अखेरीस त्यांचे कट्टर प्रतिस्पर्धी बनले.
TMC सोडण्यापूर्वी ते पक्षात शक्तिशाली नेते होते. मात्र,अभिषेक बॅनर्जी यांची पक्षात वाढलेली ताकद अधिकारी यांना रुचली नाही.
नोव्हेंबर 2020 मध्ये त्यांनी मंत्रीपदांचा राजीनामा दिला आणि 2021 च्या विधानसभा निवडणुकीपूर्वी ते भाजपमध्ये गेले.