Ganesh Sonawane
महाराष्ट्राचे माजी राज्यपाल भगतसिंह कोश्यारी यांना पद्मभूषण पुरस्कार जाहीर करण्यात आला आहे.
पद्मभूषण पुरस्कार राष्ट्रीय स्वयंसेवक संघाला समर्पित करतो, असे भगतसिंह कोश्यारी यांनी नमूद केले.
पद्मभूषण पुरस्कार जाहीर होताच भगतसिंह कोश्यारी यांनी अयोध्येत जाऊन रामलल्लाचे दर्शन घेतले.
भगतसिंह कोश्यारी यांनी त्यांचे मंदिरातील दर्शन घेतानाचे फोटो सोशल मीडियावर शेअर केले आहेत.
पद्मभूषण पुरस्कार मिळाल्याबाबत भगतसिंह कोश्यारी यांनी पंतप्रधान नरेंद्र मोदी आणि राष्ट्रपती द्रौपदी मुर्मू यांचे आभार मानले.
कोश्यारी म्हणाले, अयोध्येत नवे राम मंदिर बनण्याच्या आधी अनेकदा येथे आलो होतो. परंतु, नवीन भव्य राम मंदिर बांधल्यानंतर इथे येण्याचा योग जुळून आलेला नव्हता.
एका कार्यक्रमानिमित्त या भागात आलो होतो. त्यामुळे राम मंदिरात येऊन रामलल्लाचे दर्शन घेतले. प्रभू श्रीरामांची ही लीला आहे. संपूर्ण जगभरातील हिंदूंचे हे परम स्थान आहे.
जन्मापासून ते मृत्यूपर्यंत श्रीराम कायम आपल्यासोबत असतात, असे कोश्यारी यांनी म्हटले आहे.