Jagdish Patil
महायुती सरकारने अचानक भंडारा जिल्ह्याचे पालकमंत्री बदलण्याचा निर्णय घेतला आहे.
भाजपचे नेते तथा राज्याचे वस्त्रोद्योग मंत्री संजय सावकारे यांची उचलबांगडी करत गृहराज्यमंत्री पंकज भोयर यांची पालकमंत्रीपदी नियुक्ती केली.
त्यामुळे आगामी स्थानिकच्या निवडणुका डोळ्यांसमोर ठेवत भाजपने नवी रणनीती आखल्याची चर्चांना उधाण आलं आहे.
याच पार्श्वभूमीवर वर्ध्यातून काँग्रेसला हद्दपार करणारे आणि रात्रीत भंडाऱ्याच्या पालकमंत्रिपदाची जबाबदारी मिळालेले पंकज भोयर कोण आहेत ते जाणून घेऊया.
पंकज भोयर यांनी 2014 मध्ये काँग्रेसमधून भारतीय जनता पक्षात प्रवेश केला.
भाजपच्या तिकिटावर त्यांनी 2014 सालची वर्धा विधानसभा लढवली आणि ते आमदार म्हणून विजयी देखील झाले.
सन 2019 आणि 2024 च्या विधानसभा निवडणूकीतही विजयी होत त्यांनी वर्धा विधानसभा मतदारसंघात आपलं वर्चस्व निर्माण केलं.
सलह तीनदा काँग्रेसचा पराभव केल्यामुळे वर्धा जिल्ह्यातून काँग्रेस हद्दपार करणारा नेता अशी त्यांची ओळख निर्माण झाली आहे.
भोयर यांनी पी.एच.डी पर्यंत शिक्षण घेतलं असून त्यांच्या वर्ध्यात विविध शिक्षण संस्थांचं जाळं आहे.