Jagdish Patil
ईडीने कर्नाटकातील काँग्रेस आमदार के.सी वीरेंद्र यांना मनी लॉन्ड्रिंग प्रकरणात अटक केली आहे.
ईडीने आमदाराशी संबंधित विविध ठिकाणांवर केलेल्या छापेमारीत 12 कोटींची रोख रक्कम आणि एक कोटींचे परदेशी चलन जप्त केलं.
या कारवाईमुळे सट्टेबाजी आणि ऑनलाईन गेमिंगचं मोठं रॅकेट उजेडात आलं आहे. हे प्रकरण केसी वीरेंद्र आणि त्याच्या सहकाऱ्यांशी संबंधित आहे.
आमदार काही ऑनलाईन बेटिंग साइट्स चालवायचा ज्याचा कारभार भाऊ केसी थिप्पास्वामी दुबईतून पाहायचा. तर दुसरा भाऊ के.सी. नागराज आणि त्यांचा मुलगाही यात सहभागी आहेत.
ईडीने 1 कोटींचे परदेशी चलन, 12 कोटींची रोकड, 6 कोटींचे सोन्याचे दागिने आणि 10 किलो चांदी, मर्सिडीजसह चार वाहने जप्त केली.
के.सी वीरेंद्र यांचा जन्म 30 जून 1975 रोजी झाला असून त्यांनी बी.कॉम ची पदवी प्राप्त केली आहे.
व्यवसायाने ते उद्योगपती असून ते चित्रदुर्ग विधानसभा मतदारसंघाचे काँग्रेस आमदार आहेत.
त्यांनी 2023 च्या निवडणूक प्रतिज्ञापत्रात जाहीर केलेली मालमत्ता एकूण 134.9 कोटी इतकी असून त्यांच्यावर दोन गुन्हेगारी खटले दाखल आहेत.