Pradeep Pendhare
भाजपच्या राष्ट्रीय अध्यक्षपदाची सूत्रे स्वीकारल्यानंतर, नितिन नवीन यांनी राष्ट्रीय संघटनेत मोठे फेरबदल केले आहेत.
नाशिकमधील भाजपच्या माजी मंत्री भारती पवार यांना राष्ट्रीय उपाध्यक्षपदावर संधी देण्यात आली आहे.
डॉ. भारती पवार यांनी मार्च 2019 मध्ये राष्ट्रवादी काँग्रेसमधून भारतीय जनता पक्षात प्रवेश केला.
दिंडोरी लोकसभा मतदारसंघातून भाजपच्या तिकिटावर खासदारकी, अन् पुढे केंद्रीय आरोग्य राज्यमंत्रिपद भूषवले.
मोदी मंत्रिमंडळाच्या 2021च्या विस्तारात प्रीतम मुंडे, हिना गावित, रक्षा खडसे या दिग्गज राजकीय महिलांना मागे टाकत, भारती पवार यांना संधी मिळाली.
पंतप्रधान नरेंद्र मोदी यांनीच खुद्द भारती पवार यांना दूरध्वनीवरून मंत्रिमंडळात निवड झाल्याचे सांगितले होते.
भारती पवार यांचा लोकसभा 2024च्या निवडणुकीत अत्यंत नवखे राष्ट्रवादीचे भास्कर भगरे यांच्याकडून पराभव झाला.
तब्बल 8 वेळा आमदार आणि शरद पवारांचे निकटवर्तीय मानले जाणारे नेते ए. टी. पवार यांच्या भारती पवार स्नुषा आहेत.
जिल्हा परिषद सदस्य ते थेट भाजपच्या राष्ट्रीय उपाध्यक्षपदापर्यंतचा डॉ. भारती पवार यांचा हा प्रवास महाराष्ट्रातील महिला नेत्यांसाठी उंचावणारा ठरला आहे.