Roshan More
लोकसभेचे हंगामी अध्यक्ष म्हणून भाजप खासदार भर्तृहरी महताब यांची नियुक्ती राष्ट्रपतींकडून करण्यात आली आहे.
भर्तृहरी महताब हे बिजू जनता दलाकडून तब्बल सहा वेळा लोकसभेवर विजयी झाले होते. लोकसभा निवडणुकीपूर्वी त्यांनी भाजपमध्ये प्रवेश केला होता.
भाजपमध्ये प्रवेश केल्यानंतर भर्तृहरी महताब सलग सातव्यांदा लोकसभेवर विजयी झाले.
भर्तृहरी महताब हे ओडिशाचे पहिले मुख्यमंत्री हरेकृष्ण महताब यांचे पूत्र आहेत.
भर्तृहरी महताब यांना हंगामी अध्यक्ष करण्यास काँग्रेसचा विरोध आहे.आठ वेळा विजयी झालेले काँग्रेसचे खासदार कोडिकुन्निल सुरेश यांना हंगामी अध्यक्ष करण्याची मागणी करण्यात आली आहे.
लोकसभेचा हंगामी अध्यक्ष हा नवनिर्वाचित लोकसभा सदस्यांना शपथ देतो.
हंगामी अध्यक्ष लोकसभा सभागृहात नवीन अध्यक्षांची नियुक्ती झाल्यानंतर पदावरून दूर होतात. हंगामी अध्यक्षाची नियुक्तीच नवीन अध्यक्षांच्या नियुक्ती आणि सदस्यांच्या शपथविधीसाठी केलेली असते.