Aslam Shanedivan
जिद्द, चिकाटी आणि प्रचंड मेहनतीच्या बळावर कोणतीही परिस्थिती, कोणताही अडथळा पार करता येतो हे भिकन जगन रोजेकर यांनी दाखवून दिले
अत्यंत साध्या आणि गरीब कुटुंबातून आलेल्या भिकन यांनी UPSC सिव्हिल सर्व्हिसेस परीक्षेत मोठे यश मिळवले असून 812 रँक मिळवली
विशेष म्हणजे भिकन हे चार वेळा UPSC च्या परीक्षेत अपयशी झाले होते. तरिही न खचता त्यांनी पाचव्यांदा परिक्षा देत हे यश मिळवले.
भिकन यांचे बालपण अत्यंत साध्या परिस्थितीत गेले असून त्यांचे आई-वडिलांना कुटुंबाचा उदरनिर्वाह करण्यासाठी सालगडी म्हणून काम करावं लागलं आहे
ते चाळीसगाव तालुक्यातील वाडा गावात सालगडी म्हणून काम करत तर आईने ही शेतात मोल रोजमजुरी केली.
भिकन यांचे जळगाव सपकाळ येथे माध्यमिक शिक्षण आणि त्यानंतर छत्रपती संभाजीनगर येथे पदवी शिक्षण पूर्ण केलं.
UPSC च्या निकालानंतर गावकऱ्यांनी गुलाल उधळून आनंद साजरा केला तर जंगी मिरवणूकीची तयारी देखील केली
दरम्यान भिकन यांचा लहान भाऊ विकास रोजेकर हे देखील काही दिवसांपूर्वीच देश सेवेसाठी भारतीय सैन्यात भरती झाले आहेत.