Rashmi Mane
हरियाणाचे दोन वेळा मुख्यमंत्री राहिलेले आणि काँग्रेसचे ज्येष्ठ नेते भूपेंदर सिंग हुडा यांनी बुधवारी विधानसभा निवडणुकीसाठी 2024 साठी उमेदवारी अर्ज दाखल केला आहे.
भूपेंदर सिंग हुडा यांनी गढ़ी सांपला किलोई विधानसभा मतदारसंघातून उमेदवारी अर्ज दाखल केला आहे.
त्यांच्या मालमत्तेचा तपशील देणारे प्रतिज्ञापत्र त्यांंनी सादर केले, त्यानुसार त्यांची एकूण संपत्ती 26 कोटी रुपयांपेक्षा जास्त आहे..
तर 2019 मध्ये झालेल्या निवडणुकीत त्यांची मालमत्ता 15.66 कोटी रुपये असल्याचे सांगण्यात आले होते.
निवडणूक प्रतिज्ञापत्रानुसार, हुडा आणि त्यांच्या पत्नीकडे 4 कोटींहून अधिक किमतीचे सोन्या-चांदीचे दागिने आहेत.
निवडणूक आयोगात शपथपत्र दाखल करताना आपल्या संपत्तीचा खुलासाही केला असून या प्रतिज्ञापत्रानुसार हुड्डा आणि त्यांच्या पत्नीकडे 26.48 कोटी रुपयांची एकूण संपत्ती आहे.
भूपेंदर सिंग हुडांकडे 3.46 कोटी रुपयांची जंगम मालमत्ता आणि 7.29 कोटी रुपयांची स्थावर मालमत्ता त्यांच्या नावावर आहे, तर एकूण संपत्तीच्या बाबतीत त्यांच्या पत्नी आशा हुडा या अधिक श्रीमंत आहेत, ज्यांच्याकडे 3.74 कोटी रुपयांची जंगम मालमत्ता आणि स्थावर मालमत्ता आहे तर 11.99 कोटी रुपयांची मालमत्ता आहे.