Mangesh Mahale
खासगी कोचिंग क्लासेसला जाऊन कॉलेज बुडवणाऱ्या विद्यार्थ्यांसाठी आता दररोज बायोमेट्रिक मशीनवर हजेरी नोंदवणे बंधनकारक असेल.
प्रत्येक वर्गात सीसीटीव्ही कॅमेरा आवश्यक असणार आहे. वर्गशिक्षक हजेरी घेत असताना मुख्याध्यापकांना सीसीटीव्हीद्वारे विद्यार्थ्यांच्या उपस्थितीवर लक्ष ठेवावे लागेल.
वर्गातील सीसीटीव्ही कॅमेरे नुसते कार्यान्वित करून चालणार नाही, तर त्याचे व्हिडिओ रेकॉर्डिंग साठवून (जतन करून) ठेवावे लागणार आहे.
कनिष्ठ महाविद्यालयाने परिसरातील कोणत्याही खासगी कोचिंग क्लासेससोबत टायअप किंवा करार केला आहे का, याची गोपनीय पडताळणी केली जाणार आहे.
शाळांनी त्यांचा यू-डायस क्रमांक आणि शाळेचे मान्यता प्रमाणपत्र दर्शनी भागात लावणे आवश्यक आहे.
शाळा सुरू होण्यापूर्वी सर्व महाविद्यालयांना कृती आराखडा पाठवण्यात येणार असून त्याची प्रभावी अंमलबजावणी करणे बंधनकारक असेल.
विद्यार्थ्यांनो आणि पालकांनो लक्ष द्या! आता फक्त क्लासेसवर अवलंबून न राहता नियमित कॉलेज उपस्थितीही तितकीच महत्त्वाची ठरणार आहे.