Pradeep Pendhare
राहुरी इथल्या महात्मा फुले कृषी विद्यापीठाचा 39वा पदवीदान समारंभात मुख्यमंत्री देवेंद्र फडणवीस यांना 'डॉक्टर ऑफ सायन्स', ही पदवी देत सन्मानित करण्यात आलं.
राहुरी महात्मा फुले कृषी विद्यापीठाने देवेंद्र फडणवीस यांनी ही पदवी देत, कृषी आणि ऊर्जा क्षेत्रातील योगदानाबद्दल हा सन्मान केला आहे.
राज्यपाल जिष्णु देव वर्मा यांच्या हस्ते पदवीचा सन्मान मुख्यमंत्री फडणवीस यांनी स्वीकार केला. कृषीमंत्री दत्ता भरणे, विधानपरिषदेचे सभापती प्रा. राम शिंदे, पालकमंत्री राधाकृष्ण विखे पाटील उपस्थित होते.
मुख्यमंत्री देवेंद्र फडणवीस यांना यापूर्वी दोन मानद डाॅक्टरेट पदव्या मिळाल्या आहेत. राहुरी कृषी विद्यापीठाची ही तिसरी पदवी असणार आहे.
कृषीमंत्री दत्तात्रय भरणे यांनी राहुरी कृषीविद्यापीठाच्या कार्यक्रमात मुख्यमंत्री फडणवीस “All In One” आहेत, असे कौतुक करत, ही आपल्याकडून पदवी असल्याचे जाहीर केलं.
कृषीमधील एवढ्या मोठ्या विद्यापीठाकडून कौतुक होत असल्याने, पदवीचा आदरपूर्वक स्वीकार केल्याची मुख्यमंत्री फडणवीस यांनी घोषणा केली.
पुढील वर्षांपासून शेतकऱ्यांना दिवसा 12 तास मोफत वीज देणार असल्याची घोषणा याच कार्यक्रमात मुख्यमंत्री फडणवीसांनी केली आहे.
महाराष्ट्रातील सामाजिक-आर्थिक विकासासाठी केलेल्या सुधारणा आणि प्रशासनातील योगदानाबद्दल जपानच्या Osaka City Universityने फडणवीस यांना 2018 मध्ये Supreme Honorary Doctorate ही पदवी प्रदान केली.
जलसंवर्धन पायाभूत सुविधा विकास आणि सामाजिक समतेसाठी केलेल्या कामाची दखल घेत जपानमधील Koyasan University ने 2023मध्ये फडणवीस यांचा Doctorate of Philosophyही पदवी देत सन्मान केला.