Ganesh Sonawane
भाजपने देशातील जेन-झी मतदारांशी थेट संपर्क वाढविण्यासाठी उच्चस्तरीय समितीची स्थापना केली आहे.
भाजपचे महासचिव विनोद तावडे व स्मृती इराणी यांच्यासह चार नेत्यांचा या समितीत समावेश आहे.
'जेन-झी'च्या आशा, चिंता, आकांक्षा समजून घेण्यावर या कार्यक्रमाचा भर असेल.
भाजपच्या नवनियुक्त राष्ट्रीय कार्यकारिणीची पहिली बैठक शनिवारी झाली. या बैठकीत हा निर्णय घेण्यात आला.
भाजप देशभर 'जेन-झी संपर्क अभियान' राबविणार असून या अभियानासाठी उच्चस्तरीय समिती नेमण्यात आली आहे.
विनोद तावडे आणि स्मृती इराणी यांच्यासह गुजरातचे गृह राज्यमंत्री हर्ष संघवी आणि छत्तीसगडचे मंत्री ओ. पी. चौधरी यांचा समितीत समावेश आहे.
रोजगार, तंत्रज्ञान, नवउद्योजकता आणि शिक्षण यांसारख्या विषयांवर तरुणांची मते जाणून घेतली जाणार आहेत.