Rajanand More
उत्तर प्रदेशातील भाजपचे आमदार श्याम बिहारी लाल यांचे आज हृदयविकाराच्या तीव्र झटक्याने निधन झाले. त्यांच्या निधनामुळे हळहळ व्यक्त केली जात आहे.
योगी सरकारमधील पशुधन मंत्री धर्मपाल सिंह यांची आज सक्रिट हाऊसमध्ये बैठक सुरू होती. या बैठकीत लालही सहभागी झाले होते.
बैठक सुरू असतानाच लाल यांना श्वास घेण्यास त्रास सुरू झाला. त्यानंतर त्यांना जवळच्या खासगी रुग्णालयात दाखल करण्यात आले. डॉक्टरांच्या शर्थीच्या प्रयत्नांनंतरही त्यांना वाचविण्यात यश आले नाही.
नव्या वर्षाच्या पहिल्याच दिवशी आमदारांनी आपला वाढदिवस साजरा केला. त्याचप्रमाणेच आजही त्यांनी कार्यकर्त्यांच्या शुभेच्छांचा स्वीकार करत त्यांच्या आनंदात सहभागी झाले होते.
आमदार लाल हे फरीदपूर मतदारसंघाचे आमदार आहेत. ते २०२२ च्या निवडणूकीत सलग दुसऱ्यांदा निवडून आले आहेत. २०२७ मध्ये त्यांनी पहिल्यांदा निवडणूक लढविली होती.
फरिदपूर मतदारसंघ अस्तित्वात आल्यापासून एकाही आमदाराला सलग दुसऱ्यांदा विजय मिळालेला नाही, असा इतिहास आहे. मात्र, लाल यांनी हा विक्रम आपल्या नावावर केला होता.
राजकारणात प्रवेश करण्यापूर्वी लाल हे रुहेलखंड विद्यापीठामध्ये इतिहासाचे प्राध्यापक होते. त्यामुळे राजकारणातही प्रोफेसर म्हणूनच त्यांची ओळख होती.
आमदार चौधरी यांच्या निधनानंतर मुख्यमंत्री योगी आदित्यनाथ यांनी दु:ख व्यक्त केले. त्यांचे आकस्मिक निधन अत्यंत दु;खद असल्याचे सांगत त्यांनी श्रध्दांजली वाहिली.