Deepak Kulkarni
बॉलिवूडची लोकप्रिय अभिनेत्री माधुरी दीक्षितने आपल्या अभिनयासह नृत्य आणि सौंदर्याने चाहत्यांना वेड लावले आहे.
गेल्या काही दिवसांपासून माधुरीच्या राजकारणातील एन्ट्रीबद्दल चर्चा सुरू आहेत.
आगामी काळात होत असलेली लोकसभा निवडणूक अभिनेत्री माधुरी दीक्षित पुणे किंवा मुंबईमधून लढणार असल्याची चर्चा होती.
काही जणांनी माधुरी दीक्षित भाजपमध्ये लवकरच प्रवेश करणार असल्याचीही चर्चा जोरदारपणे सुरू होती.
यावर माधुरीने आजपर्यंत मौन बाळगलं होतं...
नुकताच एका कार्यक्रमावेळी तिला राजकारणात एन्ट्री करणार का? असा प्रश्न विचारण्यात आला .
त्या प्रश्नाला उत्तर देताना लोकसभा निवडणूक लढविणार असल्याची चर्चा फेटाळली आहे.
राजकारण ही माझी आवड नसल्याचे सांगत माधुरीने या विषयी सुरु असलेल्या चर्चाना पूर्णविराम दिला आहे.
येत्या काळात मला हेल्थकेअर संबंधित काम करायचे असल्याचे सांगत, सुरु असलेल्या चर्चा केवळ अफवा असल्याचे माधुरीने स्पष्ट केले.