Rajanand More
एलिझाबेथ कोलबर्न-गोगोई या ब्रिटीश नागरिक असून त्यांच्यावर आता पाकिस्तानी एजंट असल्याचा गंभीर आरोप होत आहे.
एलिझाबेथ आणि आसाममधील काँग्रेसचे खासदार व लोकसभेतील उपनेते गौरव गोगोई यांची २०१० मध्ये ओळख झाली होती. त्यानंतर दोघांचा २०१३ मध्ये विवाह.
आसामचे मुख्यमंत्री हिमंता बिस्वा सरमा यांनी गोगोई पती-पत्नीवर पाकिस्तानी एजंट असल्याचा आरोप केला आहे. त्यामुळे देशाच्या राजकारणात खळबळ उडाली आहे.
पाकिस्तानी एजंट अली तौकीश शेखसोबत त्यांचे जवळचे संबंध असल्याचा दावा सरमा यांनी केला आहे. शेख यानेच एलिझाबेथ यांना पाकिस्तानी संस्थेत नोकरी लावली. तोच वेतनही देत होता, असे सरमांचा दावा.
गोगोई पती-पत्नीचे पाकिस्तानात गुपचूप दौरेही झाले आहेत. लग्नाआधी गौरव गोगोई दहा दिवस पाकिस्तानात होते. तर एलिझाबेथ या अटारी सीमेवर पाकिस्तानात जायच्या, असा सरमांचा आरोप.
एलिझाबेथ यांच्याकडून पाकिस्तानी एजंटला भारताशी संबंधित गोपनीय माहिती पुरविली जात असल्याचाही आरोप सरमा यांनी केला आहे.
एलिझाबेथ आणि शेख यांनी भारतविरोधी कट रचल्याचा गंभीर आरोपही सरमा यांनी केला आहे. त्याची माहिती केंद्रीय गृह मंत्रालयाला दिली जाईल, असेही ते म्हणाले आहेत.
गोगोई पती-पत्नीला एक मुलगा आणि एक मुलगी आहे. दोघेही ब्रिटीश नागरिक आहेत. केवळ गौरव हे भारतीय नागरिक.