Rashmi Mane
देशातील सर्व निवडणुका एकाच वेळी घेण्यासाठी स्थापन करण्यात आलेल्या 'एक देश, एक निवडणूक' रामनाथ कोविंद समितीचा अहवाल आज (बुधवारी) मोदी सरकार मधील मंत्रिमंडळाने मंजूर केला.
मोदी सरकारने आपल्या मागील कार्यकाळात 'वन नेशन, वन इलेक्शन' या विषयावर माजी राष्ट्रपती रामनाथ कोविंद यांच्या अध्यक्षतेखाली 2 सप्टेंबर 2023 ला समिती स्थापन केली होती.
देशात एकाचवेळी निवडणुका घेण्याच्या शक्यतांचा अहवाल देण्याची जबाबदारी कोविंद समितीला देण्यात आली होती.
या समितीने मार्चमध्ये राष्ट्रपती द्रौपदी मुर्मू यांना आपला अहवाल सादर केला होता.
मोदी मंत्रिमंडळाच्या बैठकीत या अहवालावर चर्चा होऊन तत्त्वत: मान्यता देण्यात आली आहे.
काही काळापूर्वी शाह यांनी या सरकारच्या कार्यकाळात 'वन नेशन, वन इलेक्शन' लागू करण्याबाबत बोलले होते.
पहिल्या टप्प्यात लोकसभेसोबत सर्व राज्यांच्या विधानसभा निवडणुका घ्याव्यात. तसेच दुसऱ्या टप्प्यात लोकसभा आणि विधानसभेसोबत स्थानिक स्वराज्य संस्थांच्या निवडणुका घ्याव्यात.
संपूर्ण देशातील सर्व निवडणुकांसाठी एकच मतदार यादी असावी आणि मतदार ओळखपत्र सर्वांसाठी समान आहे असावे.