Vijaykumar Dudhale
पाचव्या टप्प्यात भाजपचे उमेदवार सर्वाधिक गुन्हेगारी पार्श्वभूमीचे आहेत. गंभीर गुन्हे असलेले 12, तर किरकोळ गुन्हे असलेले 19 उमेदवारांचा समावेश आहे.
गुन्हे दाखल असलेले 15 उमेदवार हे काँग्रेसच्या चिन्हावर लोकसभेची निवडणूक लढवत आहेत. काँग्रेसच्या सात उमेदवारांवर गंभीर, तर आठ उमेदवारांवर किरकोळ गुन्हे आहेत.
बहुजन समाज पार्टीच्या 14 उमेदवार हे गुन्हेगारी पार्श्वभूमीच आहेत. त्यात सहा उमेदवार हे गंभीर स्वरूपाचे गुन्हे असलेले आहेत, तर आठ उमेदवारांवर किरकोळ स्वरूपाचे गुन्हे आहेत.
समाजवादी पार्टीच्या नऊ उमेदवारांवर गुन्हे दाखल असून त्यातील चार उमेदवारांवर गंभीर स्वरूपाचे, तर पाच उमेदवारांवर किरकोळ स्वरूपाचे गुन्हे दाखल आहेत.
शिवसेनेच्या (उद्धव बाळासाहेब ठाकरे) चार उमेदवारांवर गुन्हे दाखल आहेत. त्यातील एकावर गंभीर स्वरूपाचा, तर तिघांवर किरकोळ स्वरूपाचे गुन्हे आहेत.
तृणमूल काँग्रेसचे पाच उमेदवार गुन्हेगारी पार्श्वभूमीचे असून त्यातील दोघांवर गंभीर, तर तिघांवर किरकोळ स्वरूपाच्या गुन्ह्यांची नोंद आहे.
ओडिशामधील सत्ताधारी बीजेडी पक्षातील एका उमेदवार किरकोळ स्वरूपाचा गुन्हा दाखल आहे. राष्ट्रीय जनता दलाच्याही दोन उमेदवारांवर गुन्हे दाखल असून त्यातील एकावर गंभीर, तर एकावर किरकोळ स्वरूपाच्या गुन्ह्याची नोंद आहे.
मार्क्सवादी कम्युनिस्ट पक्षाच्या पाच उमेदवारांवर गुन्हे दाखल असून त्यातील दोघांवर गंभीर गुन्हे दाखल आहेत. तिघांवर किरकोळ स्वरूपाचे गुन्हे दाखल आहेत