Deepak Kulkarni
केंद्र सरकारच्या 'युनिक आयडेंटिफिकेशन ऑथॉरिटी ऑफ इंडिया' (UIDAI) नं आता सर्वसामान्य नागरिकांना दिलासा देणारा एक महत्त्वपूर्ण निर्णय जाहीर केला आहे.
नागरिकांनो, जर तुम्हांला तुमच्या आधार कार्डमध्ये ईमेल आयडी लिंक किंवा इतर बदल करायचे असतील,तर त्यासाठी पैसे मोजण्याची आवश्यकता भासणार नाही.
सरकारच्या 'यूआयडीएआय'नं 1 जुलै 2026 पासून 31 डिसेंबर 2026 या कालावधीत देशातील सर्व नागरिकांसाठी त्यांच्या आधार कार्डवरील ई-मेल आयडी किंवा त्यात काही दुरुस्ती करायची असेल तर एक मोफत संधी उपलब्ध करुन दिली आहे.
यापूर्वी आधार कार्डमधील ई-मेल आयडीत काही अपडेट करायची असेल किंवा इतर दुरुस्तीसाठी 75 रुपये शुल्क आणि जीएसटी आकारले जात होते.
नागरिकांनी घरबसल्या मोबाईल ॲपव्दारे यूआयडीएआयच्या या नवीन डिजिटल सुविधेचा घेता येणार आहे.
आत्तापर्यंत ज्या नागरिकांनी आधार कार्डशी ईमेल आयडी लिंक केला नाही किंवा बदललेला ईमेल, पत्ता आधारवर अपडेट केला नसेल त्यांना या नव्या सरकारच्या निर्णयाचा निश्चितच फायदा होणार आहे.
केंद्र सरकारच्या या एका मोठ्या निर्णयामुळे कोट्यवधी नागरिकांची आर्थिक व वेळेची बचत होणार आहे.
महत्त्वाची बाब म्हणजे या सुविधेचा लाभ केवळ आधार ॲपद्वारे ईमेल अपडेट केला तरच मिळणार आहे. आधार वेबसाइट किंवा आधार केंद्रावर जाऊन हेच काम केले तर तुम्हाला किरकोळ शुल्क भरावे लागण्याची शक्यता आहे.
सरकारचं UIDAI चे आधार ॲप अत्यंत महत्त्वाचे आहे. या ॲपद्वारे तुम्ही आधारशी संबंधित अनेक सेवांचा सहज लाभ घेऊ शकणार आहे.