Sunil Balasaheb Dhumal
डबल महाराष्ट्र केसरी चंद्रहार पाटील उद्धव ठाकरे यांच्या शिवसेनेत प्रवेश करणार आहेत.
सेनेतील प्रवेशासाठी चंद्रहार पाटलांनी जोरदार शक्ती प्रदर्शन करण्याचा निर्णय घेतला आहे.
मुंबईतील प्रवेशासाठी जिल्ह्यातून तब्बल 500 गाड्यांचे नियोजन करण्यात आले आहे.
गेल्या चार महिन्यांपासून चंद्रहार पाटलांनी निवडणुकीची तयारी सुरू केली आहे.
चंद्रहार यांनी लोकसभा लढवण्याचा चंग बांधला आहे. त्यासाठी ते वंचितच्याही संपर्कात होते.
कोल्हापूरच्या बदल्यात सांगली अशी चर्चा सुरू झाल्यानंतर उद्धव ठाकरेंनी चंद्रहार पाटलांना मातोश्रीवर बोलवले होते.
उद्धव ठाकरेंशी चर्चेनंतर आघाडीकडून त्यांची सांगलीतून उमेदवारी निश्चित मानली जात आहे.
सांगलीतून काँग्रेसचे प्रदेश उपाध्यक्ष विशाल पाटील यांनीही जोरदार तयारी केली आहे. परिणामी महाविकास आघाडीत वादाची ठिणगी पडण्याची शक्यता आहे.