Ganesh Sonawane
अभिनेता राजपाल यादव सध्या 10 वर्षांपूर्वीच्या जुन्या चेक बाउन्स प्रकरणी तिहार तुरुंगात आहे. त्यामुळे तो सध्या चर्चेत आला आहे.
2010 मध्ये राजपाल यादव यांनी दिग्दर्शित केलेला सिनेमा 'आता पता लापता' पुरता आपटला.
या चित्रपटासाठी त्यांनी सुमारे ५ कोटी रुपये मुरली प्रोजेक्ट प्रायव्हेट लिमिटेडकडून कर्जाने घेतले होते. पुढे या 5 कोटींचे व्याज वाढत गेले आणि ती रक्कम 9 कोटींवर पोहचली. हे पैसे तो परत करु शकला नाही त्यामुळे त्याला आता सरेंडर व्हावे लागले आहे.
जेव्हा तुमच्या बँक खात्यात असलेल्या रकमेपेक्षा चेकवर लिहिलेली रक्कम जास्त असेल तर तुम्ही दिलेला चेक बाऊन्स होतो.
नेगोशिएबल इन्स्ट्रुमेंट्स अॅक्टच्या कलम १३८ नुसार, जर एखादा चेक बाऊन्स झाला आणि १५ दिवसांच्या आत त्याचं पेमेंट केलं गेलं नाही, तर संबंधित व्यक्तीविरुद्ध फौजदारी गुन्हा दाखल होऊ शकतो.
अशा परिस्थितीत २ वर्षांपर्यंतचा तुरुंगवास, चेकच्या रकमेच्या दुप्पट दंड किंवा दोन्ही शिक्षा होऊ शकतात.
राजपाल यादव यांच्या बाबतीत असेच झाले, हे पैसे देण्यासाठी राजपाल यांनी अनेक चेक दिले, जे बाऊन्स झाले. यामुळे त्याच्या विरोधात फौजदारी कारवाई करण्यात आली.
दिल्ली उच्च न्यायालयाने राजपाल यांना अनेकदा पैसे परत करण्यासाठी मुदतवाढ दिली. पण तो पैसे परत करु शकला नाही. त्याला शेवटी तुरुंग प्रशासनाकडे आत्मसर्पण करावे लागले.