Vijaykumar Dudhale
मुख्यमंत्री एकनाथ शिंदे यांनी बुलेटवर बसून आषाढी यात्रेच्या तयारीची पाहणी केली. मुख्यमंत्र्यांच्या बुलेटचे सारथ्य पंढरपूर-मंगळवेढ्याचे आमदार समाधान आवताडे यांनी केले.
८) बुलेटवरून मुख्यमंत्री एकनाथ शिंदे यांनी पंढरपूर शहरातून फेरफटका मारत वारकऱ्यांच्या सोयी सुविधांचा आढावा घेतला.
वारकऱ्यांची कोणतीही गैरसोय होणार नाही, असा निर्णय विठ्ठलाच्या व्हीआयपी दर्शनाबाबत सरकार घेईल, असेही मुख्यमंत्र्यांनी सांगितले
आरोग्य विभागाच्या वतीने वारकऱ्यांसाठी सुरू करण्यात आलेल्या आरोग्य शिबिरांना भेट देऊन तेथे उपचार घेत असलेल्या वारकऱ्यांशी मुख्यमंत्र्यांनी संवाद साधला. त्यांना औषधे तसेच पुरेशा वैद्यकीय सोयी उपलब्ध आहेत अथवा नाही, याचा आढावा घेतला.
मुख्यमंत्री एकनाथ शिंदे यांच्या वतीने उद्यापासून (ता. 16 जुलैपासून) तीन दिवस मोफत अन्नदान केले जाणार आहे.
चंद्रभागा नदीच्या पैलतीरावर 65 एकर परिसरात वारकऱ्यांसाठी उभारलेल्या विविध सोयी सुविधांचा मुख्यमंत्र्यांनी आढावा घेतला. यात स्वच्छतागृह, पिण्याच्या स्वच्छ पाण्याची उपलब्धता तसेच शहरातील स्वच्छतेबाबत पाहणी केली.
एकनाथ शिंदे यांनी चंद्रभागा नदीचे दर्शन घेतले. त्यानंतर नदीपात्रात उतरून पाय धुतले आणि पवित्र चंद्रभागेचे तीर्थ आपल्या मस्तकी लावले. त्याच वेळी त्यांनी चंद्रभागा स्वच्छ्तेबाबत प्रशासनाला सूचना दिल्या.
मुख्यमंत्र्यांनी दर्शनरांगेतील वारकऱ्यांशी संवाद साधून त्यांच्या समस्या जाणून घेतल्या