Roshan More
2022 मध्ये भाजपा आणि जनता दल (युनायटेड) ची युती तुटली. राजदच्या पाठिंब्याने नितीशकुमार मुख्यमंत्री तर तेजस्वी यादव उपमुख्यमंत्री झाले. मात्र, अवघ्या 18 महिन्यात नितीशकुमार यांनी तेजस्वी यांची साथ सोडली.
तेजस्वी यादव यांना मुख्यमंत्री करण्यासाठी लालू प्रसाद यादव यांच्याकडून नितीशकुमार यांच्यावर दबाव येत होता.
इंडिया आघाडी स्थापन करण्यात नितीशकुमार आघाडीवर होते. मात्र, त्यांना या आघाडीचे समन्वयक पद मिळाले नाही म्हणून ते नाराज असल्याची चर्चा होती.
समाजवादी नेते कर्पूरी ठाकूर यांच्या जन्मशताब्दी वर्षात मोदी सरकारने त्यांना देशाचा सर्वोच्च सन्मान 'भारतरत्न'दिल्याची घोषणा केली. या घोषणेमुळे नितीशकुमार यांना योग्य तो संदेश दिला गेला.
बिहारचे मुख्यमंत्री नितीशकुमार यांनी रविवारी (ता.28) आपल्या पदाचा राजीनामा राज्यपाल राजेंद्र आरर्लेकर यांच्याकडे सुपूर्द केला.
महागठबंधन सरकारमध्ये अनेक अडचणींचा सामना करावा लागत होता. आमच्या पक्षातील नेते आपण सरकारमधून बाहेर पडले पाहिजे, असे सांगत होते, त्यामुळे राजीनामा दिला असल्याचे नितीशकुमार यांनी सांगितले.
राजकारणात सर्वाधिक कोलांटउड्या मारणारे ‘पलटूकुमार’ म्हणून नितीशकुमार यांच्यावर टीका केली जाते.
नितीशकुमार भाजपसोबत सत्तास्थापन करणार आहेत. त्यामुळे पुन्हा एकदा नितीशकुमार मुख्यमंत्री पदाची शपथ घेतील.